اولا انا عضو من 20 يوم فقط بس لاحظت عدم تواجد الادمن بالمره رغم ان المنتدى رائع وفيه ناس متواجده الا انه لا اشعر بوجود ادمن هذا المنتدى
وانا كعضو مش حاسس بوجود ادمن لهذا المنتدى ومش حاسس ان فيه اداره حكيمه للمنتدى ومش حاسس بتواجد مدير المنتدى اللى المفروض عليه يكون اكثر الناس تواجد
على فكره المنتدى ده اللى شايلينوا بجد كان ستاى اليف ربنا يقومو بالسلامه وبعض المشرفين
وعاوز اقول لادمن اما ان تضع حد لهذا الاهمال فى المنتدى وتكون متواجد وليك رأى وتواجد معانا او تسيب الاداره لاى حد يكون مجتهد عنك ومتواجد عنك لان ما دمت انت مش متواجد يبقى انت لا تستحق هذه الاداره
والمنتدى فيه عيوب كتير ولازم تشوفلها حل والعيوب دى هيه
1- الاداره الغير متواجده بالمره وعلى رأسها ادمن لان مفيش حد حاسس ان فيه اداره للمنتدى او فيه ادمن للمنتدى
2- الاقسام اللى مفيش عليها مشرفين لماذا تترك كذلك ومسؤليه من ان تترك هكذا بدون مشرفون وايضا اين ادمن من ذلك اليس هو المسؤل
3- تعيين المشرفين بطريقه (الكوسه) يبقى العضو او العضوه لسه مشترك جديد ومساهماته قليله جدا وفى مسافه اسبوع من اشتراكه او اشتراكها يبقى مشرف او مشرفه ده بس لانه صديق ادمن باشا او صديقة ادمن باشا وخلوا بالكو من صديقة دى (والكل عارف انا بتكلم عن مين)
4- المشرفين الغير متواجدين اما ان يتواجد المشرفون او يقوم ادمن بعزلهم ودى بردو مسؤليته وهوه المسؤل عن الاهمال ده
يا جماعه المنتدى حاله بقى حال وفيه عيوب واخطاء كتير ومش هيتصلح الا اذا الاداره اتصلحت ورجوع ستاى اليف ربنا يقوموا بالسلامه لانه كان بيشتغل بجد ومتواجد بجد وكان فعلا بيخاف على المنتدىوبيشتغل بجد ولكن اين الادمن باشا واين الاداره من الاخطاء والعيوب الموجوده هنا
ورساله اوجهها لادمن (اما التواجد والاصلاح او ترك الاداره لمن يستحقها لان انت بذلك لا تستحق ان تكون مدير لهذا المنتدى)
وفى النهايه انا قولت كده لان انا بعمل على مقوله (الساكت عن الحق شيطان اخرس)
وما اكثر الشياطين الخرس فى هذا المنتدى وانا مش هسكت على اى عيوب هشوفها فى المنتدى وهقول رايى حتى ولو كان على نفسى وهقولها مره تانيه لادمن(اما التواجد والاصلاح او ترك الاداره لمن يستطيع الاصلاح)
يا جماعه لازم نواجه مشاكلنا ونناقشهاواقول لكل عضو فى المنتدى لو شايف اى مشكله او بيواجه اى مشكله اقوله اتكلم ولا تكن شيطان اخرس
(يا من تزعمون الاداره المحترفه للمنتدى وتزعمون انكم مديرون حقيقيون لهذا المنتدى)
اين انتم
(اين انت يا ادمن ولمتى ستظل مختفى وغير متواجد ولمتى ستظل هكذا غير محترف فى ادارتك)
الجمعة 06 أغسطس 2010, 4:13 am
