تذكير بمساهمة فاتح الموضوع :

السلام عليكم
ممكن اقدم في تجارة انجليزي السنة الجايه؟وانا دلوقتي خلصت اولي عربي؟؟

هاى ايه بصى انا نتيجتى لسه ظاهرة والحمد لله طلعت صافى وبتقدير جيد فكنت عاوز احول انجلش بنها حتى لو هعيد اولى بس ممكت تقوليلى ايه هيا الاجراءات اللى اعملها وكمان اروح لفين علشان احول لجامعة بنها بس هما هياخدوا ورقى على طول على انجلش ولا هيقلى حول واقبل فى عربى وبعد كده اعمل تنسيق داخلى والحوارات وفى الاخر ادبس فى عربى فياريت تقوليلى اعمل ايه بالضبط وانا مقيد فى تجارة القاهرة انتظام

matkhafh mesh hateddabes l2noh ba3d mat3mel egra2at el ta7weel mesh hatigy banha ela lama tes7ab war2ak men cairo university flow 2belt tigib war2ak men cairo wlw l2 matgibosh wa 5lik fi cairo wrabna ma3ak
bye

اهلا يا احمد
نورت المنتدى تانى
اولا الف مليوووووووووووووووون مبروك على النتيجة
وعقبال الجاى يكون امتياز ان شاء الله
ثانيا بالنسبة للتقديم بقى
بعد النتيجة ب 15 يوم ان شاء الله
هتيجى عندنا الجامعة هيكون باب التقديم فتح
وبعدين على الشئون عندنا فى الكلية
وهما هيقولولك على الاجراءات كلها ان شاء الله
بس اولها واللى انا عرفته يعنى
حكاية بيان الحاله دى
وبعدين لما سألت على باقى الاوارق
قالولى بعد البيان دة الاول
بس يعنى تيجى عندنا الكليه كدة يوم وتعرف فيه كل التفاصيل والمطلوب ايه بالظبط
وربنا معاك ان شاء الله

متشكر اوى يا ايه ده نورك بس ياريت اعرف هيا فين جامعة بنها بالضبط واركبلها ايه انا ساكن فى حدائق الزيتون هل فى مترو ولا ممكن اركب مكروباص من جسر السويس لانى انا مش عارف هيا فين بالضبط

بص يا احمد
هو انت ممكن تركب مترو وتنزل شبرا الخيمة ومن هناك
هتلاقى مواصله مباشرة
بتقول بنها
هتركبها وبعدين تنزل الموقف
هتركب عربية صغيرة
بتقول تجارة
هتنزل قدام باب الكلية
وربنا معاك ان شاء الله

ميرسى جدا يا ايه بس كنت عاوز اسالك نظام الكلية ايه سهلة ولا صعبة نظام المذاكرة فى مكتبات وورق مثلا بره وكده والورق ده بيبقى فى حاجات مترجمة ولا ايه نظام الكلية كمان بالنسبة للغياب والحضور

على ايه بس يا احمد
نورت المنتدى وان شاء الله هتنور الكلية
بص يا سيدى اى كلية فيها الصعب وفيها السهل
وطبعا فيها مذاكرة وكل واحد بيشوف اللى يناسبه
اذا كان يحضر محاضرات ويذاكر اول بأول ودة
احسن طبعا
او ان يكون متعود على اى حاجة خارجية زى الورق اللى فى اى سنتر مثلا
وبردو بيكون حلو بيبسط الحكاية شوية
بس كليتنا يا احمد صعبة
ومحتاجة كدة من الاول نظام ترجمة وقواميس وحاجات كدة كتير
لو اتعودت من اول ترم ان تترجم وتذاكر على طول
هترتاح شوية فى الامتحانات
بس يا احمد فى الغالب المحاضرات والسكاشن مش كفاية خاااالص
والمواد تقيلة ورخمة شوية وبالنسبة للغياب والحضور يعنى دى بتبقى على الدكتور بتاع المادة
بس بيبقى مهم الحضور بردو
بس ربنا بيسترها والله فى الاخر يا احمد
المهم انا شكلى طولت عليك
ما علينا
انت بس ان شاء الله تقبل فى الجامعة عندنا
وانت هتلاقى الامور سهلة
ان شاء الله متقلقش يا احمد

دانتى خوفتينى كده خالص يا ايه يعنى الورق اللى بره مفهوش ترجمة لازم انا اللى ترجم ده على عكس عربى عندنا فى مادة البزنس والاكونتينج الورق كله بالانجلش بس بيبقى تحت كل حاجة ترجمتها يعنى لازم اتعب شوية على العموم انا بكرة احتمال كبير انزل الكلية واشوف ايه الاجراءات اللى اعملها بس انا رحت الجامعة عندنا وجامعة حلوان قالولى مش بنقبل حد من سنوات سابقة يعنى اللى مدخلش من الاول خلاص طيب بالنسبة لبنها كده وانت سالتى يا ايه وقالوليك لازم اعمل بيان حالة ولا اروح بكرة ويقولولى زى حلوان

لأ يا احمد ان شاء الله
مش هيكون زى الجامعات التانية
وكل اللى انا قلته اكيد
على اساس انهم بيقبلوا عادى
والا كانوا قالولى من الاول يعنى
انهم مش بيقبلوا
انت ان شاء الله لما تروح هتتأكد بنفسك من كل
حاجة وان شاء الله خير
ولا خوفتك ولا حاجة با لنسبة للورق كدة
مش كله بيترجم
بس بيبقى مفهوم الى حد ما عن
المحاضرات
متقلقش يا احمد
انت تقبل ان شاء الله عندنا
وربنا يسهل

نظام الكلية بالنسبة للورق والمذكرات عادي زيه زي اي كلية وبالنسبة للغياب في دكاتره بياخده غياب ودكاتره لا على حسب
بس ممكن تغيب وتنجح لان الغياب كله عليه 10 درجات من 100 بس انت انزل بنها واسال ومضيعش وقت وبالنسبة للمواصلات ففي كتير عندنا في الكلية من الزيتون والحدائق انت تركب المترو وتنزل كلية الزراعة في موقف هناك تركب منه عربية بنها ولما تيجي بنها تسأل فين كلية التجارة وهم هيقولو لك ودي افضل طريقة تيجي بيها