تذكير بمساهمة فاتح الموضوع :

طبعا كلنا لينا أصدقاء سواء صديق من الطفوله
صديق من العيله
صديق دراسه

هل مريت بتجربه خيانه الصديق ؟
فيه صديق خانك .. باعك .. سابك لوحدك في أهم مواقف حياتك

ولما خانك عملت أيه ؟
وإتعلمت أيه ؟
ونويت علي أيه بعدها ؟

موش هتثق في حد تاني ؟
ولا موش هتفكر يكونلك صديق ؟


تيجوا كلنا نقول رأينا في الموضوع دا
ونشوف إتعلمنا أيه من خيانه الصديق وأثر فينا قد أيه وإزاي


في إنتظار مشاركتكم معانا

الصديق الوفى مكانه حبة العين
الموضوع مثير جدا لأنه دلوقتى كل الشباب بيمروا بنفس التجربه دى وعلى فكره الصاحب الكويس فعلا هو إلى بيبان وقت الشده والباقى فلصوا ورق ولكن الأكثر أسفا إنهم مبيبقوش حسين بده وأنت إلى تعد تحرق فى دمك وهم ولا هنا خالص والسؤال؟ على الرغم إنك بتعاملهم حلو على الرغم إنك بيقابلك سوء معامله بعد ما ورق كل واحد ينكشف للتانى والمبالاه بتجرى فى دمهم وإن شاء الله وبإذن واحد أحد أى واحد صحبه باعه هيجي اليوم إلى يندم ندم كبير على إلى عمله وكما تدين تدان ولو بعد حين
الصداقه كلمه لا يسطيع أحد أن يوصفها
:afro:

مشكور جدا يا THE PUNISHER وبجد والله كلامك تحفه وفعلا هو بيحصل معايا دلوقتى
وربنا وحده عارف انا بعمل ايه عشان نفسى بس اشوف صحابى اللى زعلانين منى

يا أحلى أنتيم طالما أنت أعترفت بغلطك إن شاء الله ربنا هيكرمك وأنت وأصحابك ترجعوا أحسن من الأول إن شاء الله بس حاول وإضغط وتعالى على نفسك عشان تقنعهم وترجعوا تانى وهيصادفكوا بردو مشاكل لحد ما جبل التلج إلى بينكم ينهد ده مش هيجى على طول كده هياخد فتره من الوقت ويااااااااارب ترجعوا لبعض
:afro:

تتوقع با THE PUNISHER ان الجبل التلج اللى بينا لسه متهدش؟
هياخد وقت اد ايه؟
اكتر من 6 شهور؟
انا بقالى اكتر من 6 شهور بحاول وباجى على نفسى عشانهم
واقول معلش دول مهما كان اللى طلعت بيهم من الدنيا
بس مفيش فيده
انا تعبت واتخنقت
مش منهم
من الزمن والدتيا ومن نفسى اللى حططنى فى موقف زى ده
وشكرا اوى لاهتمامك بالموضوع

الحكايهمش حكاية قلب خاين سابنى فى وسط الطريق اللى اصعب من الخيانه لما تيجى من الصديق.
مفيش انسب من كلام الاغنيه ده ينفع للموضوع ده.

عندك حق والله
بس لما تكون جرحت صحبك غصب عنك وعايز ترجعله وهو رافض تماما
هتعمل ايه؟