طريقه الاكل عندما تخرجين مع خطيبك :::: موضوع مهم جدا

طريقه الاكل عندما تخرجين مع خطيبك :::: موضوع مهم جدا
أختي العزيزة لو ربنا فك عقدتك وانخطبتي
فإليك نصائحي حتى تأخذي بخطيبك من مركب الخطوبة إلي محدش عارف حترسى على إيه
إلى مثوااااه الأخير في قفص النسانيس
قصدي قفص الزوجية السعيد.............

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك

1-الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط .

2-العيش
أوعي تفضحينا وتقطعيه بسنانك ولا الرغيف نصين بأيدك وكل نص لقمة واتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدا
وبعدين لما تروَّحي إبقي سفي زي ما انتِ عايزه

3- الشوربة
بند الشوربة مهم جدا
من شان الله الشوربة تنشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقيها على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة

4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..كيف؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة..
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
-إذا كنتي عارفاه-
أول ماطبق الجمبري ينزل.. اتطلعي عليه بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبريياية بالشوكة
أنا فى عرضك إنسي المصمصة في هذا الوقت

8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا...
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9-الفاكهة
لو الفاكهة فيها بذر.. طلعيه من تمك بالراحة وحطيه فى إيدك وهي مسكره
وبعدين حطيه في طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- ولما تخلصي أكل تحطي إيدك على بطنك
اللي عصافيرها بتصوصو من العينات اللي أكلتيها.. وتقولي له مش ممكن
أنا عمري ما اتفجعت كدة
أنا أودامي أسبوع ل ابطل أكل فيه

وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك
سندويتش الفلافل
وبالهنا والشفـــاء

ههههههههههههههههههههههههه

ههههههههههههههههههههه
يا عم الحج
هما دووووووول يعرفوا الكلام دا
دووووووووول بيغرفوا بأيديهم
مايعرفوش اختراع اسمه شوكة وسكيبنة
وحياتك اسكت ما تخلناش نقلب على المواجع

هههههههههههههههههههههههههه

يااااااااه

ده انت شايل فى قلبك وساكت

فضفض يا عم ده زي بيتك واكتر شويه

ههههههههههههههههه

ههههههههههههههههههه
شكراا علي مجهودك يادبوورر
موضوع مميز

مصر كل زمان زمانها

ربنا اختار لينا مصر واختارنا ليها
يبقى خوفنا عليها شىء زي العباده
و اللي فينا بسنين حياته يبخل عليها
يسأل عن البطل اللي فيها اللي نال الشهاده
مصرنا يوم بعد يوم العين عليها
واحنا اولى نحس بالنعمه اللي فيها
انا جوه مني بركان بيغلي غيران عليها
جدي اللي مات علشانها ياما وصاني بيها
مصر كل زمان زمانها واحنا بنقوي في كيانها
كل عين صاحيه في مكانها وكلنا ليها مخلصين
ده احنا بالفطره اتولدنا ع اللي بينها وبين بلدنا
عايشه روح مصر في جسدنا وباقيه فينا ليوم الدين
المصري مسلم او مسيحى ماهيش قضيه
لو يوم فى زنقه ينادي واحد يلاقى ميه
هنا ابسط الناس عارفه معنى الانسانيه
مين غيرنا قال الدم عمره ما يبقى ميه
الابن وارث عن ابوه عرق الشهامه
هنا دعوة الام لبلدنا ليها السلامه
والطيبه فينا مالهاش مكان لو قومنا قومه

عايشه روح مصر في جسدنا وباقيه فينا ليوم الدين

شكررررررررررررا ليك يا ميزو

ههههههههههههههههههههههههه لا يا راجل

على اساس ان انتوا اللي رقيقين اوي في الاكل

ده اللي يشوفكوا وانتوا بتكالوا يموت اصلا هههههههههههههههه

هههههههههههههههههههههههههههه

ايه ايه يا بنتى ده البنات بيقعدوا يتفرجوا

علينا واحنا بناكل عشان يتعلموا ازاى يمسكوا

الشوكه والسكينه ههههههههههههههههه

اصلهم متعودين على الاكل بالايد على طول واكبش من الطبق وكده يعنى

هههههههههههههههههههههههه

ههههههههههههههههههههههههههه ياسلام

اه اصل مش انتوا اللي بتقعدوا تسفوا وكده يعني

وتلاقي الاكل بيخلص قبل ما يتحط ع السفرة ومتعرفش ليه اساسا ههههههههههههههه

خلي الطابق مستور بس

هههههههههههههههههههههههه

لا لا ولا مستور ولا حاجه كسرى الطابق ولا يهمك

بس ما تنكريش ان انتوا بتعملوا كده صح والا غلط

هههههههههههههههههههه

هههههههههههههههههههههههه

لا طبعا غلط عادي يعني انت محسسني ان احنا بنقى حيوانات واحنا بناكل

اننا لبشرههههههههههههههههه

يعني هو بس الواحد لما بيحس ان هو بياكل كده فلازم يعمل موضوع زي ده

هههههههههههههههههههههههههههههه معلش يا دبور في امل تتعالج متقلقش