بِدنا نحرر فلسطين ...

بدنا نحرر فلسطين

كلمة بنسمعها من سنين

من أيام جدي وجدك

وهالجيوش ما بتتحرك

لا شمال ولا يمين

وبِدها تحرر فلسطين



كل يوم بطلع زعيم مشَلِّط

مرّة بخطب ومرّة بعيِّط

بِدّو يحرر

بدّو يدمر

ومرة بهدّد

ومرة بندّد

ومرّة ببكي بدمع العين

بِدّو يحرر فلسطين



وبيجي عريس الغفلة إسمالله

ومن العين حوَّطْتو بالله

بِجوِّع شعبُه

وبِحرق قلبُه

وبِرميهم بالزنازين

بدّو يحرر فلسطين



إِلْكُم ألله يا مساكين

إِلْكم ألله يا لاجئين

إلزعيم اللي شفتوه

والأبضاي اللي سمعتوه

طِلِع شارب له كاسين

وبِدّو يحرر فلسطين
:scratch: :scratch: :scratch: :scratch: