مذيعه من جهه امنيه ؟

تذكير بمساهمة فاتح الموضوع :

يا جماعه انا ترددت كتير انى اكتب الموضوع دا منعا لحدوث اى زعل بين الاعضاء وبينى بسبب البرنامج

ولكن فى النهايه قررت انى اعمل البرنامج لانى وجدت فيه اثاره وتشويق ويارب يعجبكم

وان دا مجرد برنامج ليس اكثر واكيد مش فى حد هيزعل

فكره الموضوع هى

هى انى مذيعه لكن من جهه امنيه بمعنى انى كل كلامى مع الضيف هوانى بوجه

له مجموعه اتهامات يعنى مثلا انا سمعت اشاعه ان انت مغرور ايه رأيك وهكذا

يعنى هتكلم بجد بما انى من جهه امنيه و هقول اتهامات او اشاعات

والعضو الذكى هو اللى يقدر يخرج ويبرر الاتهام دا بطريقته بس انا هيكون كل كلامى جد

يعنى ممنوع انى اضحك مع حد او اقول سورى انى غلط معاك او كدا

وطبعا انا مش هغلط فى اى حد لكن هوجه اتهام فقط وعلى الضيف تبرير الاتهام

ولو الاتهام دا صح يبقى لازم الضيف يعترف ويقول دا صحيح واكيد دا مش بيقلل منه

لكن بالعكس دا احنا هنحترمه اكتر لشجاعته

وكمان احب اقول ان محدش يزعل دا مجرد برنامج والعضو اللى هيقبل يكون ضيفى

اكيد هيكون عضو واثق من نفسه

ملحوظه :

1 / الفكره دى موجوده فعلا فى برنامج على احدى البرامج الفضائيه واسمه كدا فعلا وانا حابه اطبق دا ع المنتدى

2 / الموضوع سيكون مغلق وممنوع رد اى عضوسوى الضيف لمتابعة الحلقه بشكل افضل

وسيتم فتح الموضوع اثناء الحلقات فقط

3 / ممنوع غلط اى عضو او انه يفقد اعصابه دا مجرد برنامج لا اكثر

فى النهايه اتمنى الفكره تعجبكم وتلقى التفاعل منكم

شعور عادى جدا
زى اى وقت ف حياتى

اه تمام جدا هى دايما البدايه بتكون كدا

انت مستفز اوى

ودا كلام بعض الاعضاء عنك ايه رايك فى الكلام دا

وجهة نظر بحترمها وبحترم صاحبها
بس اقدر اقولهم انتوا كدة معرفتوش تاكى اصلا

هو اى حد يقول عنك اى حاجه مش حلوه يكونوا مش عرفوك ولا ايه

مش يمكن تكون انت اصلا كدا

ولا انت شايف ايه يعنى

اتكلم يالا

بصراحة ده مش كلامى
ده كلام الناس اللى عرفونى كويس
واظن انك واحدة منهم وتقدرى تردى على نفسك

لا حضرتك يظهر ان الامر اخطلت عليك
انا ولا اعرفك طول فترة التحقيق انا هنا مذيعه من جهه امنيه وبس
جايه احقق مع حضرتك فى الاتهامات والبلاغات اللى اصدرت ضدك
وانا بس اللى اسأل وانت كل المطلوب منك انك تبرر الاتهام وتجاوب ودا لو انت مش متهم اصلا ومش عاوزين منك غير كدا

انت انسان مغرور

دا بردو كان اراء بعض الناس ضد تاكى

ايه رايك فى الكلام دا ولا بتعتبر دا حقد عليك ولا تسميه ايه دا

اتفضل قول

ولو افترضنا ان اى شخص قال كدة فانا اقدر اقوله فى فرق بين
الغرور والكبر وبين عزة النفس وكبريائها
انا بطبعى انسان واثق فى نفسه

اه مش شايف ان الثقه دى زياده شويه

ولا انت شايف ان دا مقدار طبيعى ليها

الثقة الزيادة تؤدى الى الغرور
لكن الحمد لله انا شايف انى انسان طبيعى جدا

هو انا بقول لك انت مش طبيعى ولا مجنون فى حاجه اسمها انا انسان عادى او متواضع مش طبيعى دى
وندخل فى سؤالنا القادم ونقول

انت بتحب الشهره
يعنى بتحب وانت ماشى ف الجامعه اى حد يقول تاكى اهو تاكى اهو ويسلمو عليك ويجاملوك
بما انك ليك رتبه عاليه او سلطه فى المنتدى

ايه رايك ف الكلام دا يا تاكى

لا طبعا مش بحب الشهرة
لان الشهرة دايما تجيب عدم الراحة