النشان دايما بيكون في السواده .. والواد النشانجي .. بيلمحها وهي طايره .. ومن اول نظره .. بتلاقي سن نمله الدبانه .. اسفل منتصف الهدف .. وفي السواده علي طول بتلاقي الهدف في ثانيه بيتشوي بنار الحب .. لاننا جميعا بنموت في دباديب اللحم الابيض .. لكن بقي في حاله الحب النص كم بتلاقي .. نشانجيه بيصطادوا بالنبله زي احمد مظهر في الايدي الناعمه .. والتاني تلاقيه بيصطاد سمك وطالع من البحر مشوي و بالطحينه كمان
زي ثلاثي اضواء المسرح سمير غانم وجورج والضيف احمد .. والتالت تلاقيه طيار وهو مبيشفش اصلا زي عادل امام في فيلم امير الظلام .. حجات كلها ديكور .. وتسليه .. لكن الحب عمره مكان تسليه .. ولا صفقه تجاريه .. علشان كده .. الولاد مش عارفين هما عايزين ايه بالضبط من البنات .. يعني لو سالت شاب تلاقيه هيقلك : 1- من عيله 2- غنيه 3- جميله 4- مؤهل عالي ( ال يعني هو اللي ناجب) 5- متحضره 6- متدينه او علي خلق 7- عندها شقه او تشارك في الاثاث 8- موظفه .. مسمعتش حد بيقول : اريدها انثي .. ودا بيفكرني بواحد سياسي بيدور علي الحب .. وطلب الشروط اللي فاتت دي كلها واكتر .. وهو بيدور اعتقل (ماهو سياسي بقي وغاوي وجع دماغ ) ومرت سنين وفين وفين لما سابوه .. طلع يدور علي الحب عاوز عروسه .. لما سالوه قال خلاص كفايه انها جميله ومتدينه ومؤهل عالي ومتحضره .. مالقيش برده وبعد شويه .. اعتقل تاني .. وفين وفين لما طلع .. وبعد لما طلع قالوله : ها عاوز العروسه شكلها ايه : فقال : كفايه انها متدينه وجميله مش عاوز غير كده .. لكن برده قدره ما اسعفوش ..واعتقل فلما خرج اخر مره سالوه عن العروسه فتنهد وقال :................. عاوزها تكون انثي ؟ .. ... هههههههههههه .. طبعا هو المفروض اننا نقول الحقيقه من الاول.. ونطلع باللحن من غير معاناه .. فعلا المطلوب من البنت ان تكون انثي .. ودا في الحقيقه طلب عزيز جدا .. مع انه هو الطلب الوحيد المنطقي .. لانك لن تجد الانوثه الطبيعيه .. ولكن ستجد انوثه مصطنعه تماما مثل محمد صبحي وهو عامل ست ونافخ بالونات وصوته مره رقيق ومره تانيه يكشر عن انيابه .. ومره تلاقيه ماشي علي الجنط لما البالونه تفرقع .. يعني انوثه مجرد زواق يتمثل في ترقيق الصوت .. وحنيه زائفه .. تماما مثل الفرق بين الشعر الحقيقي الناعم وشعر الباروكه المستعار .. الولاد عاوزين من البنات الانوثه .. فقط ان تكون انثي .. تستميلها الكلمات العذبه من الرجل .. ولا تستميلها دراهمه ودولاراته .. ولا تقول المثل المصري : الراجل عيبه جيبه .. ان تكون انثي رقيقه المشاعر وليست تاجره .. ان تكون وفيه صادقه وصديقه.. لان حبيبها سيكون شعاره .. (مادامت قد قالت فقد صدقت ) وليس مثل الرجل الذي يضحك في جنازه مراته فلما سالوه.. قال اصل دي اول مره اعرف هيا رايحه فين !!.. ان تكون انثي ملتهمه العواطف وليست مستغله لظروف السوق واحواله .. ان تكون انثي مخلصه وليست سهم في بورصه يعلو وينخفض .. لان الانثي سهمها عند حبيبها لا ينخفض ابدا فهو دائما في ازدياد .. ان تكون اما لاولادها لكنها ايضا انثي فلا تذوب انوثتها في امومتها ..ان تكون جميله المنظر .. بهيه المشهد متجدده ..دائما مثل الورود والزهور التي لا تفتا تغري النحل والفراشات .. طول عمرها .. والا فالقبح موت.. ان تكون انثي لها حنان يفيض فيغرق شواطيء الارض .. فتتسبب في احداث شبيهه بتسونامي .. ولكن فيضان من عسل
واعتقد هوه ده اللي الولاد عاوزينه
مش كده ولا ايه
الثلاثاء 09 فبراير 2010, 12:12 am
