مطلوب فريق اشراف جديد

تذكير بمساهمة فاتح الموضوع :

الاعضاء الكرام
بعد انتهاء الامتحانات اليوم رسميا
وتمنياتنا بالتوفيق للجميع

فان المنتدى الان بحاجة الى فريق اشراف جديد يتولى المهمة فى الفترة القادمة

وعلى كل من يرغب فى تولى مهمة الاشراف ترك رد هنا يوضح فيه القسم المطلوب الاشراف عليه وسبب الطلب وخطة عمل القسم تحت قيادته

ولن ينظر الى عدد المساهمات ولكن سننظر الى النشاط الواضح للعضو فى متابعة القسم والاهتمام به وسمعته بين الاعضاء بالمنتدى

ونرجوا من الله التوفيق

لكم خالص تحياتى

ارجو الالتزام باداب الحوار
المشرف العام
ho0o0b

ثم انا ثابته وجودى فيه
بدليل انى كنت مشرفه عليه يا استاذ احمد

أولا حتى لو مكنتش المشرف العام انا زى زى اى عضو تانى يا ريت يكون الاسلوب احسن من كده فى الكلام

ثانيا دى مسئوليتى وانا ما تدخلتش فيما لا يعنينى بالعكس هو دا محل مسئوليتى تجاه الادارة

ثالثا ودا الاهم حضرتك كنتى مشرفة قسم الالعاب من قبل ثم تغيبتى لفترة كبيرة دون اى اسباب واضحة فلابد ان تثبتى وجودك ومش عشان ساهمتى كم مساهمة هنعطيكى الحق فى الاشراف على قسم الالعاب

المشرف العام
ho0o0b

ارجو الالتزام بأداب الحوار التعديل بواسطة المشرف العام

نصلى على النبي بس ونهدى جميعا
وكل اللى عيزينه ان شاء الله يتعمل

نهدى ياجماعه
حاضر يالاء مفيش مانع ف الاشراف
ومعلش ياحمد عديها المرة دى
بس للعلم احمد ادارة بردوا ويحل مكانى لو انا مش موجود

عندما تغيب شمس احلامك
لا تنتظر شروق شمس جديدة
فقد تتاخر كثيرا .....
وحاول ان تبحث عنها خلف غيوم الايام
كي لا تضيع سنواتك في ظلمة الانتظار

بس انا مغلطتش يا ادمن عشان
تكون المعامله كده

admin كتب:

نهدى ياجماعه
حاضر يالاء مفيش مانع ف الاشراف
ومعلش ياحمد عديها المرة دى
بس للعلم احمد ادارة بردوا ويحل مكانى لو انا مش موجود

الله يخليك يا على
مفيش كلام بعد اللى انته قلته
شكرا يا غالى على زوءك وكرم اخلاقك وتواضعك

من تواضع لله رفعه

وانا يا ادمن ان شاء الله مش هغيب عن المنتدى تانى
وهكون اد المسئوليه ادامك انت وتاكى وسوسو

اشرف على قسم تجارة الفرقة الثانية وسوف يتم امداد الموقع بالمحاضرات والسكاشن واللوزم للطلبة
وان شاء الله سوف يتم وضع ما هو جديد بالكلية
sayed 2008

مساء الخير..

مبدئيا انا عندى اقتراح جميل اوى انا شخصيا طبقته فى المنتدى الشخصي بتاعي والحمد لله جاب نتايج ممتازه..
علشان كده حبيت اطرحه على حضراتكم وده بعد اذن الادمن وحضراتكم طبعا..
لانى عارف انه بعيد شويه عن صلب الموضوع..
ايه راي حضرتك فى الفتره دى تلغى حكايه التعريف بالمشرفين دى ويبقى الكل زى اى عضو
وتتابع انت نشاط الاعضاء بنفسك
واللى هايثبت جدارته واستحقاقه تلقائي بقى مشرف فى المكان اللى اثبت نفسه فيه
انا لما الاقي عضو شادد حيله مثلا فى قسم الشعر وحبيت أنشر قصيده هايكون هو اول واحد اخد رايه فيها لانى شايف انه الاجدر بالسؤال..
لأنه بقى ف نظري انا "مشرف" حتى ولو كان مجرد عضو عادى..
جرب تخلى الكل اعضاء يومين او 3
وتعرف الكل بانك هاتختار الافضل والاصلح لمهمة الاشراف..

******************************************************

جايز يحصل انه واحد يفضل نشيط وله بصمه ف قسم معين مثلا لحد ما يبقى مشرف
وبعد كده ينام تانى مثلا..
ساعتها بقى يتعمل اجتماع بالمشرف ده ويتسئل عن انجازاته وطموحه فالقسم
وياترى اتحقق ولا لسه؟؟..
ولو اتحقق هايبقى ف قد ايه؟؟..
وبناء على كده بنقرر ان كان هايستمر ف اشرافه
او انه شخص غير كفء لده..

*******************************

باعتذر للإطاله..
لكن فى الأول وفي الآخر دي مجرد فكره و القرار يرجع لحضراتكم
وانا واثق ان الكل هنا هدفه مصلحة المنتدى اولا واخيرا..