احلى انتيم كتب:[center]
انا حاسس ان كاتب الموضوع تيتو وله كل الاحترام والحب والتقدير حاسس انه بينه وبينى عداوه ومش بيقبل اى رد منى على مواضيعه وحتى المواضيع القليله اللى انا شاركت بيها لاقيته بيرد عليا بكل اسف بطريقه مستهتره بس مش عارف ليه ويارب يكون احساسى غلط
وانا بعد اذنه وبعد اذن كل الاعضاء المشاركين فى الموضوع عايز اعرض مشكلتى اللى تقريبا انا أرفتكم بيها وزهقتوا منى عشانها
فلو سمحتوا
انا هتكلم بكل صراحه وامانه وانا فى قمه الاحراج بس اوعدونى انكم تردوا عليا بردوا بكل صراحه مع مراعاه انى خلاص وصلت لدرجه من اليأس وبجد بتمنى الموت فى كل لحظه
فى البدايه احب اقول انى مشكلتى قريبه اوى من مشكله سوسو واحب اقولها حاجه
(انتى كده ظالمه نفسك وتعبه نفسك بايدك, لو فعلا بتحبيها اوووى واكتر من نفسك يبقى ازاى قادره تعيشى من غيرها, وبعدين عالاقل هى بتبعتلك رسايل وكده يعنى عندها الرغبه فى الرجوع للصداقه القديمه , طب ليه انتى مش تبتدى وتجربى) ده من رأيى
ادخل فى الموضوع
انا زى اى حد فى الدنيا نفسه يقابل البنت اللى بيدور عليها عشان يخطفها عالحصان الابيض ويجروا سوا ويعيشوا على جزيره مش فيها حد غيرهم( يعنى افلام ابيض واسود)
ولاقيتها وحبينها اوى وحبتنى اوى ومع بعض علطول بس اكيد فى مشاكل مابينا
هنقف عنها شويه وهنكمل كلام عنها بعدين
اكيد بردوا ليا صحبى اللى ماليش غيره فى الدنيا واللى بحبه اكتر من نفسى ويمكن بصراحه كده حبيته اكتر من حبيبتى لانه بجد راجل ويستاهل ومش بخل عليا بأى حاجه ويفضلنى عن نفسه فى كل حاجه وانا عنده يعنى الدنيا كلها وعلطول مع بعض عالحلوه والمره
وعمل معايا مواقف رجوله جمده واحسنهم يوم وفاه بابا الله يرحمه
ساب الدنيا كلها وسافر معانا الصعيد وساب دروسه ايام الثانوى ومرضيش يسبنى لوحدى وشال عنى كتير واكتر واكتر
اكيد ده عندى انا مفيش زيه فى الدنيا
حصل بينا شويه مواقف وطلعت انا اللى ندل فيهم بس والله غصب عنى بسبب ضغوط نفسيه وسينا بعض ومبقناش نشوف بعض خالص ولو شافنى يودى وشه الناحيه التانيه وحتى فرح اختى اللى كنا مستنينه مجاش
هنرجع لحبيبتى اللى سابتنى عشان فضلت فتره زعلان على صحبى
تخيلوا نسيت كل حاجه عشان بقولها صحبى وحشنى ونفسى اشوفه
وسبتنى هى كمان
بجد انا تعبان اوى واتخنقت كل الناس حست بيا حتى امى اللى قالتلى انساهم وسيبهم محدش حاسس بيك فى رغم انك بتحبهم
حاولت ارجع لصاحبى بس هو مش قادر ينسى مواقفى معاه , وعشان بكلمه علطول وهو مش عايز يكلمنى كل اصحابى قالولى انى مش عندى كرامه رغم انى حاسس ومتأكد انهم بيوقعوا بينا
ولو حاولت ارجع لحببتى تقولى انسى صاحبك خالص
اعمل ايه اضحى بمين واجرى ورا مين
اكلم صحبى ويبقى مش عندى كرامه, ولا ارجع لحببتى واضحى بصحبى اللى ماليش غيره
احب مين واكره مين؟ انزع قلبى وابقى انسان تانى ومحبش حد واسبهم هما الاتنين ولا اعمل ايه؟
ارجوكم ساعدونى كلكم
واسف للاطاله بس غصب عنى
(ولو كنت ضايقتك يا تيتو رد عيا وقولى وانا اوعدك انى مش هشارك تانى فى اى موضوع ليك)

سوسو كتب:اولا يا احلى انتيم احب اقول لك ان دا الماجيك تيتو
مش الماجيك اللى رد بطريقه مش لطيفه على احد موضوعاتك من قبل يعنى دا شخص ودا شخص تانى خالص
بس يمكن الاسم هو اللى لغبطك شويه مش اكتر بس انا من واجبى انى اوضح لك بس مش اكتر
واكيد انت ليك الحريه تقول اللى انت عاوزه ف المنتدى بس مع الالتزام بعدم التجريح فى احد بس
وثانيا احب اقول لك شكرا لنصيحتك الجميله
وثالثا بالنسبه لموضوعك انت بجد لازم ترجع لاصحابك لان انت اللى خونتهم فى الاول ولازم تستحمل منهم اى حاجه مهما كان لان انت اللى جرح فى البدايه مش هما وبالنسبه لحبيبتك اللى بيحب حد بجد بيساعده على تخطى اى محنه ليه دا حتى لو مش بيحبه لازم يساعده ما بالك دى بقى سابتك وانت فى اشد محنه ليك ووضعتك فى محنه اكبر وهى الاختيار بينها وبينهم
انا من وجهة نظرى انك مش تقول كرامتى ولا حاجه لانك انت اللى غلطت من الاول وعليك انك تصلح غلطتك دى بانك ترجع لاصحابك ومش ليك دعوه بكلام اصحابك اللى بيقولوا لك انك مش عندك كرامه وكدا دول بيوقعوا بينكم مش اكتر ولا اقل
وانت لازم تختار اصحابك لان دول عمرك ما هتعوضهم انما هى دا اذا كانت بتحبك بجد مكنتش تحطك فى موقف زى دا

ودى كانت وجهة نظرى واسفه لو اطالت عليكم

nosa كتب:[color=red]يا احلى انتيم انا خلافى مع واحد وكمان خلافنا كان من غير سبب اوكيه اصلا انا عمرى ما فكرت انى اكلم حد بس لما دخلت الكلية انااتعرفت على واحد وطبعا استأذنت من ماما قبل ما اتكلم معاه انا اصلا كلمته عادى اساس الزمالة وهو مؤدب معايه لكن هو بعد كده اعترفلى انه بحبنى و بعد كده بدأنانتكلم عادى وتقريبا بعد كام شهر فجأة قالى انا اسف لو سمحتى امسحينى من حياتك وده من غير سبب واصلا عمرنا ما عملنا مشاكل مع بعض ابدا عشين يعمل كده انا لغيت دلوقتى مستغربة من اللى قاله بس انا الحمدلله من النوع اللى مش بصدق اى حد بسرعة بس مش كل الناس يعنى وهو بقى الحمدلله مصدقتهوش خالص لانى كنت بحس انى كلامه عكس افعاله وانه بيكدب كتير جدا بس مكنتش بقوله انه كداب وكنت بثنت انه كداب وكنت بطنش ومش برده احرجه قدامى على الاقل وانا اكتر حاجة اكرها الكدب وعشين كده لما قطع كلامه معايه محولتش اعرف ليه ولا حولت انى احاول معاه تانى لانه هو اللى بدأ مش انا وعلى فكره انا فيه عيب انى مش بعرف اكره حد خالص حتى لو اذانى وكمان لما بحب حد بحبه اكتر من نفسى بس ماما وكتير قالولى انى ده ميزة حلوة مش عيب قولى ايه رأيك يا احلى انتيم فية طب انا غلطانةولا ايه قولى